ಕವಿ ಕೆ.ಸಿ. ಶಿವಪ್ಪ ಅವರ ಅತ್ಯಂತ ಶ್ರೇಷ್ಠ ಹಾಗೂ ದಾರ್ಶನಿಕ ಕೃತಿಯಾದ “ಮುದ್ದು ರಾಮ” ಆಲ್ಬಮ್ನದ್ದಾಗಿದೆ. ಈ ಕಾವ್ಯದ ಗಾಯನದ ಜೊತೆಗೆ ಅದರ ಹಿಂದಿನ ಆಳವಾದ ಆಧ್ಯಾತ್ಮಿಕ ವಿಚಾರಗಳ ಪ್ರವಚನವೂ ಸೇರಿದೆ
ಈ ಕೃತಿಯ ಮುಖ್ಯ ಉದ್ದೇಶ – ಲೌಕಿಕ ಜೀವನದ ಗೊಂದಲಗಳಲ್ಲಿ ಸಿಲುಕಿರುವ ಆಧುನಿಕ ಮನುಷ್ಯನಿಗೆ ಅಂತರಂಗದ ಅರಿವನ್ನು ಮೂಡಿಸುವುದು. ಕವಿ ಕೆ.ಸಿ. ಶಿವಪ್ಪ ಅವರು ಜಗತ್ತಿನ ಕೃತ್ರಿಮತೆ, ಧನದ ಕಡುದಾಹ ಮತ್ತು ಮತ್ಸರಗಳನ್ನು ತೊರೆದು, ಮನುಷ್ಯನು ಮೊದಲು ‘ಮಾನವ’ನಾಗಬೇಕು ಎಂಬುದನ್ನು ಒತ್ತಿ ಹೇಳುತ್ತಾರೆ. ಹಿರೇಮಗಳೂರು ಕಣ್ಣನ್ ಅವರು ತಮ್ಮ ಪ್ರವಚನದಲ್ಲಿ, “ಜ್ಞಾನವನ್ನು ನೆನಪಿಟ್ಟರೆ ಅವನು ವಿದ್ವಾಂಸ, ಅಳವಡಿಸಿಕೊಂಡರೆ ಜ್ಞಾನಿ, ಆದರೆ ಅದನ್ನು ಪ್ರೀತಿಯಿಂದ ಅನುಭವಿ ಮುಖೇನ ಸಮಾಜಕ್ಕೆ ಹಂಚಿದಾಗ ಮಾತ್ರ ಅವನು ವಿವೇಕಿ ಎನಿಸಿಕೊಳ್ಳುತ್ತಾನೆ” ಎಂದು ವಿವರಿಸುತ್ತಾರೆ.
ಡಿ.ವಿ.ಜಿ. ಅವರ ‘ಮಂಕುತಿಮ್ಮನ ಕಗ್ಗ’ದಂತೆ, ಬದುಕಿನ ಕಹಿ-ನಲಿವುಗಳನ್ನು ಸಮದೃಷ್ಟಿಯಿಂದ ಸ್ವೀಕರಿಸಿ, “ಕೊಡುತ ಮರೆವುದ ಕಲಿಯೋ ಮುದ್ದುರಾಮ” ಎಂಬ ಉದಾತ್ತ ತ್ಯಾಗದ ಮೂಲಕ ಜೀವನವನ್ನು ಹೇಗೆ ಸಾರ್ಥಕಗೊಳಿಸಿಕೊಳ್ಳಬಹುದು ಎಂಬುದನ್ನು ಜಾಗೃತಗೊಳಿಸುವುದೇ ಈ ಇಡೀ ಆಲ್ಬಮ್ನ ಪರಮ ಆಶಯವಾಗಿದೆ.
